( ثمن الخيانة ) للقدير السيد انور

من طرف **Medhat Mokhtar** الجمعة يناير 26, 2018 1:32 pm

(ثمن الخيانة )
من بحرك مش هرجع أشرب
من غدرك وخيانتك بهرب
أنا قرارت أقفل بابي
على غصنين هما أحبابي
ليهم هوهب أجمل حلم
ليهم عمري وكل شبابي
أبني وبنتي .................
هما شراعي........هما سفينتي
هما حياتي .........هما مدينتي
وأنتا لوحدك روح فى الكون
ما أنت قدرت تبيع وتخون
عشرة عمر خلاص بتهون
والحب ما قدرت تصون

أنا مش هفتح تاني الصفحة
المقفولة هناك فى كتابي
هتحمل وهفوت المحنة
أصل أنا عارفة قلبى فدائي

أوعي تفكر ...................
بعد الذل والأنانية
إن السكر........................
يسقي الفل في الزهرية
وإن الكل بعد حقيقتك
هيقول عنك كنت ضحية

أنتا صحيح أب لأولادي
بس عليك عمري ماهنادي
عزة نفسي قبل عنادي
ووشوش باقية من الأهلية
ضحكة ودمعة ...............
سالت مني فى عز الليل
ونور الشمعة...................
قالي بلاش ضى القناديل
خلي أما لنا كبير فى الله
وشيلي من قلبك وجع اﻵه
وبصي شوية يابنتي لروحك
علشان بس تداوى جروحك
ويا الصبر أشتري منديل

اللي يبيع الأصل رخيص
أصلة مجرد م الأحاسيس
بكرة الشمس لبيتنا تعود
واللي يخون عشرة وعهود
أبدا عمرة مايبقي ونيس
أبدا عمرة مايبقي ونيس

(ثمن الخيانة )
بقلم الشاعر
الشاعر السيد أنور إبراهيم

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30