( احلام البنات ) للمبدع الشاعر السيد انور

من طرف **Medhat Mokhtar** الخميس يناير 18, 2018 2:23 pm

(أحلام البنات )
أنا من بحر الوحدة خرجت
لشط ضياء بهجة وأماني
جانى صياد خبط وفتحت
قالى تعالي ملاك أحلامي

خدني معاه ع الشط مشينا
شوق فى عنية كان مستنينا
حتى النجمة عينها علينا
ماشية تنور أه علشاني

قالى بحبك ...............
قولت بلاش خلينى أحس
قالى بقولك..................
إن الصدق مفيش فية غش
وإن الحب ملوش غير وش
دة أحساس صادق يا أميرة
واﻷحساس جاني رباني

أنا فى البحر طويت الموج
عشت أسير شط العشاق
على دهر المركب من فوق
يامة كتبت أنا مشتاق

يامة لقيت صورتك ع المية
بتعومى.......وبتلاغي فية
يامة واقفت أنا جنب المرسا
فى المطرة من غير شمسية

ولما وصلت لشط بلادي
شوفت الرمل كدة بينادي
شوفت الكون فرحان بعنية
قولت أكيد هية الأمنية
إنى أقابل بس مرادي

بينا تعالي جنب البيت
نغرس بس بذور الحب
أنا مش بحلم قولت ياريت
أنا هاربان من دنيا الكدب
أنا عايزك تحكي الأسطورة
وللعاشق تخدي كام صورة
وتقولى فى الحلم أهو جانى
وعن حلمى أناليكواااا حكيت

(أحلام البنات )
بقلم الشاعر السيد أنور إبراهيم

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30