( أم الخلخال ) للمبدع الشاعر السيد انور

من طرف **Medhat Mokhtar** الخميس فبراير 22, 2018 12:41 pm

(أم خلخال)
موال وهقولوا ياخال
ما أنا لسة أسير الخلخال
أنا بصرخ نفسى تسمعنى
أنا مين فى الدنيا هيمنعنى
أعشق وأحب ..........غزال

ياحكيم عن عشقى إحكيلها
تطلب هية وأنا .....أجيلها
لبن العصفور والله أهديلها
وبلاها متاهة ولعب عيال

بدأت الناس تهمس عنى
بكلام وتقول العشق خطير
ولا فيهم حد .......فاهمني
مجروح وبحاول بس أطير
والشوق دة أسى وقاتلنى
والخمر فى كاسى مابيسكرنى
ويا خال محتاجك بس أنصحنى
أحسن م البعد راح يدبحنى
ويغير من حالى .......لحال

من ظلم عنيها وأسوتها
بدأت تجارينى بضحكتها
والبيشة السمرة وغمزتها
فى الحى مفيش منها محال
وسمعت حليم .....أنا حبيتها
قالت مسكين ....كان ع البال

لعذابى ياخال شوف لي نهاية
م العمر هيضيع بس صبايا
وأنا والله........كل منايا
بإيدي ألبسها ....الخلخال

(أم خلخال )
بقلم الشاعر
الشاعر السيد أنور إبراهيم

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30