( خالتى صفية ) للشاعر المبدع السيد انور

من طرف **Medhat Mokhtar** الثلاثاء ديسمبر 11, 2018 11:44 am

(خالتى صفية)

جوة ساحة من الظروف
قصة فيها راح أطوف
ع السطور أقرى وشوف
حالة جديدة من الجروح
والغلابة فين تروح،،،،،،،
والديابة خنقة روح،،،،،،
ع الرصيف قاعدة تنوح
أيوى من ظلم البشر
والجدار أصبح مطروح
ياأبن الحلال ضهرى أنكسر

خالتى صفية قالت ليا
أحنا أزاي،،،،، مسلمين
ست أبية لكن هية
قدام ظلم البنى أدمين
بيت م الطين ع الأرض وطاح
حلم القلب نام فى جراح
وحكومة،،، وعسكر،،، وسلاح
ع الأزالة،،،،،،،،، هنا واقفين

تصرخ بس الألة بتهدم
شريان ظلم مين راح يكتم
الخالة صفية،، من المساكين

لية مستكتر،،،،، حلمنا يكبر
داحنا غلابة ياعم البية
داهناك أكبر م اللى بيكبر
ولحم الناس أزاى تشوية

فين م البرد بس أروح
وأنت هدمت البيت وخلاص
طوب ع الأرض نام مطروح
كان بيدارى وجع الناس

كام فيلا فايت وعمارة
وبتحاكم صاحب الحمارة
بينا نمسك ياأبنى زمارة
ونقول فين الأحساس
ونطوف فى ضواحى الحارة
ونقول،،،،،،،،،،، لله وخلاص

علشان البية مأمور،،،،،
والأمار،،،، نايم مستور
فى شريعة مين أو دستور
تهدم فى بيوت ليها أساس

(خالتي صفية )
بقلم الشاعر السيد أنور إبراهيم

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30