( أسير الكارنيه ) للمبدع الشاعر السيد أنور

من طرف **Medhat Mokhtar** الإثنين فبراير 26, 2018 1:06 pm

(أسير الكارنية )

عشت الحلم ثوانى وراح
غاب ولافات فى الليل مرسال
وكان للعلم فى قلبة سماح
لكن داب فى الفجر ياخال

بدأت قصتنا لكن هية
سرقت من عينى الأمسية
وبقيت فى بلادى غريب سواح

فى طريقى هناك للمترو
ع الأرض لقيت الكارنية
مديت أيدى .......وأختوا
وقريت اﻷسم اللى علية
وساعتها مشيت بس أفكر
فى طريقة بيها ....أوصل
للبنت ........ياخال الكارنية

الصبح أنا عندى محاضرة
يا سلام لو تبقى اليوم حضرة
ونشوف هترود وتقول أية

ومن بدرى صحيت أكوى قميصى
وأغسل أسنانى.........كالمعتاد
وشعور جوايا ........مش راسى
فرحان وكأنى ........رايح لميعاد

سقيت الوردة .........وغنيت
وضميت أوراقي.......ومشيت
ول أمن الجامعة .........حكيت
أمبارح والله ياكابتن
وأنا راجع بس لقيت
كارنية م الفرقة التانية
بصيت ولقيتها فى ثانية
بتقول مرسي أنا جيت

مشيت وكأن الشمس خلاص
فقدت شعورها ونبض الأحساس
وبعيونها........بدأت تشكرنى
وتسأل .........أصحابي عنى
ونظرتها.........تملى تحصارنى
وتضحك .........من غير ماتكلمنى
أنا خايف ..............بس تكسرنى
وتصب عذابي فى أصعب كاس

حبيت الرمش ....كتبت كلام
بلقيها معايا....فى كل مكان
بلقيها الشمس فى كل أوان
والوردة الحلوة فوق الأغصان
نزلت البحر وأنا مش عوام
والموج كان هادى راسى وعادى
بس الحب ..........محتاج لسلام

وف يوم ما حاولت أقول ليها
عن صدق مشاعرى وأحكيلها
فتحت شنطيتها بإيديها......؟
وقالت دعوة ........إتفضلها
بصيت ودموعى فوق خدى
قالت بهدوء ألفين مبروك
ردت وقالتلي أية ذنبي
معقولة هواك أصبح مخنوق
ومن يومها ..........أسير
ما أعرفشي........أنا أية
أسير الشوق ولا الكارنية

(أسير الكارنية )
بقلم الشاعر
الشاعر السيد أنور إبراهيم

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30