((( راحت بعيد ))) للقدير السيد أنور

من طرف **Medhat Mokhtar** الجمعة يوليو 15, 2016 1:36 pm

{《 راحت بعيد 》}

سفرتي فى رحيل ومالى بديل...............

............ومني خلاص تاية المعانى

وحلمى الجميل أصبح يميل...................

.............ويعزف بناي أنين الأغانى

بداية بهمسة ونظرة بريئة....................

...........وقصة حروفها تقول الحقيقة

جذبني الحنين وأصبحت هاوي................

...........أسافر بمركب وأكتب غناوي

وأعبر بشط اليأس سطورى..................

............وأضحك وأبكى وأقول الحكاوي

وكل أما تيجي الموجة تخودني.............

...........أقول دى ساكنة لسة فى حضني

فى عشقى لجفونها عايش أسير..............

...........وبنظرة عيونها لوجعى تداوي

فضلت صاين حبها.........................

............أيام وشهور وسنين

علشان أجمع مهرها..................

...............وأكون نصيب مقسوم لها

لكن المقدر ع الجبين.....................

...........وقبل ماترحل بس بساعات

فى رسالة كتبتها ليا.......................

............قالت مسافرة وسامحنى

وإوعك عليا تعيش حزين......................

.............وصلت ساعتها طايرتي

والجو هادى فى المطار.........................

.............لا أمى جات ولا خالتى

واقف فى صالة الأنتظار.....................

............حسيت برعشة وخداني

والخوف بيجرى فى شريانى...................

...........والكلمة واقفة على لسانى

واقف لكن مشغول محتار....................

.............وصلت بالتاكسى لبيتها

راجع ما أنا حلم حياتها.......................

............راجع أكمل فرحتها

ومعايا فستان زفتها......................

..............لقيتنى واقف بسأل

قلولي دى جنازتها ..........................

..........عقلى صرخ كدة م الذهول

ع الأرض ماشى لكن مشلول.................

.............قلبى بيبكى لكن بقول

يارب أحسن نهايتها ........................؟

{ 《راحت بعيد 》 } بقلم الشاعر

السيد أنور إبراهيم

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30