( أقدار ياحبيبتى ) للقدير السيد أنور

من طرف **Medhat Mokhtar** الجمعة نوفمبر 10, 2017 6:15 pm

{أقدار ياحبيبتى }
مش حسة بشوقها فى أحضانى
ولاهمسة بمعنى فى وجد انى
وكأنى مفارق أحلامها
وغريب مش عايش علشانها
فى الضلمة بتهرب بوجعها
وبتنزف دمعة ......تودعها
وتقولى مسافر ياأنانى
أقدار ياحبيبتى وخطاوى
مكتوب نمشيها فى مشوارنا
علشان اولادنا خلاص ناوى
أمشى وأودع درانا ...........
وهسيب الحمل عليكى
عارفك راح تبكى تملى
وتبان الدمعة فى عنيكى
وتقولى ياشمس فين ضلى
العيشة ياعمرى بقت صعبة
وبقينا خلاص وسط اللعبة
إدعيلى .......يا قلبى وصلى
أبدأ على رمشى ماهتهونى
وحدك فى محيط قلبى وكونى
ارجوكى ماتزيدى .......همومى
طب لية الدمع .............بغزارة
مش باقى كتير..........ع الطيارة
محتاج م الرمش ........اشارة
خلينى أرتب.........فى هدومى

{أقدار ياحبيبتى }
بقلم الشاعر
الشاعر السيد أنور إبراهيم

الإثنين	الثلاثاء	الأربعاء	الخميس	الجمعة	السبت	الأحد
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30