( قالوا وغنوا الدنيا ربيع ) للمبدعة سامية سليمان

من طرف **Medhat Mokhtar** الأربعاء أبريل 11, 2018 1:53 pm

قالوا وغنوا الدنيا ربيع
---------------------
قالوا وغنوا ..الدنيا ربيع
يعني الحياة أنغام وورود
أنا قلت تبقي الدنيا .ربيع
لما السلام ..حيكون موجود
والكون لافيه غادر ووضيع
ولا مغتصب ...يظلم ويسود

قالوا الربيع.. دا شباب مسرور
والكون ف حضنه أحلي زهور
قلت الشباب....... اليوم مقهور
وإيده خالية .....جناحه مكسور
مش لاقي سكة ....يروح للنور
منين حيبقي .....شباب مسرور

دي الدنيا والله حتبقي ربيع
لما الولاد .....للأهل تطيع
ويبعدوا ...عن أهل السوء
اللي الشرور ...عماَّلة تبيع
ولا حد يقتل.... أمه واخوه
ولا يتخطف م الحضن رضيع

والكل يقدر ...يلقي مناه
والحب يرسم أحلي حياه
والحلم .....يتحقق معناه
والأمن ...يفرد كل مداه
وضميرنا يعرف... كل خطاه
يومها الربيع .. حيكون محلاه

سامية سليمان

الإثنين	الثلاثاء	الأربعاء	الخميس	الجمعة	السبت	الأحد
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30