برغــــــــــــــم انى مصـــــــــرى

برغــــــــــــــم انى مصـــــــــرى
برغــم ان مصـرى- بحس بسعاده
على الرغـــــم ممكن اكـــــل علف
على الرغـــــــم ان السعاده شحاته
وده أنـــــــا عايشه وبيـه - اعترف
فساد وكــــلنا - عارفين حكـــــايته
وكـــــم من شريف أخطأ وانحرف
بلــــــــدنا وفيها اللى فيها - وكـــله
يقــــــولك هنصبر يقـــــولها بقرف
ولما يبـــــــدأ مواطن فى يــــــومه
ويشيل همـــــــومه جـــــوا الغرف
هيعملــــــوا ايه والغـــــــلا - بهدله
واللى ف جيوبهم خلاص انصرف
على الرغـــــم انه عايش عــــواله
شغال فى مصنع وجـــابوا الضلف
انا قلت اصبر يــــــامصرى شويه
يقــــــولى ده حالى وكـــله اتعرف
منيش لاقى حــــــاجه اقولها لحاله
اذا كان فيـــه فقير وفيه من غرف
وفيـــــه اللى عايش ولاهمه حاجه
وفيه اللــــــى عايش بذمه وشرف
وفيه اللى عايش بملـــــح ورغيفه
وفيه اللى عايش فى احسن تـرف
فيـــــامصر ياامــــــى خفى شويه
علــــى ولادك لانه جـرح ونزف

الشاعر اسامه محمد على
جميع الحقوق محفوظه
2017-05-07