((( يمكن يلاقى ))) للمبدع القدير اليان سمعان

من طرف **Medhat Mokhtar** الإثنين يناير 02, 2017 12:24 pm

)))}}}===---(( يمكن يلاقي ))---==={{{(((
~~~~~~~~~~~~~~~~~~~~~~~~~~

بغابة عيونك راح طير العصفور
}}}===--- يلقوط افراح العيد ويرجع عليي

يمكن يلاقي العتم بالهدب مسحور
}}}===--- وبالكحل ساكن شي الف جنية

يمكن يلاقي هنيك مرج وزهور
}}}===--- او شوية عسل عاشفاف منسية

يمكن يلاقي صلا ومعبد وبخور
}}}===--- وناسك بمعبد حب سهران ليلية

يمكن يلاقي قبو ومعتقة الخمور
}}}===--- يحضر معو جرة مونة لشتوية

يمكن يلاقي كتاب ومزوقة السطور
}}}===--- كاتب الك بهديه يانور عينيي

يمكن يلاقي حروف واقفة بالدور
}}}===--- بدها ازن تكتب لعيونك هدية

يمكن يلاقي اميرة بقصر مهجور
}}}===--- مر الزمن نسيت معنى الحرية

يمكن يلاقي عين مزرابها مكسور
}}}===--- ودمعة صبية يشوف عاخدود وردية

يمكن يلاقي العشق يخبز على تنور
}}}===--- قربان الوفى والحب لايغفر خطية

يمكن يلاقي للفرح شي طاقة نور
}}}===--- ويرجع بسلة حب والورد عيدية

ويطول الغيبة كتير ومايرجع العصفور
}}}===--- واعزف على اوتار الامل للحب غنية

~~~~~~~~~~~~~~~~~~~~~~~~~~~~
الشاعر السوري المهجري .... اليان سمعان .....
صباح الورد والفل
صباح الغزل والحب
كل الاصدقاء
صباح
النور

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30