((( بوح عصفورة ))) للقديرة أشجان أحمد

من طرف **Medhat Mokhtar** الخميس يوليو 21, 2016 7:35 pm

مشاركتي بقصيدة عامية
===========
بوح عصفورة
=====
انا العصفور محتار ف الفضا
عاوز اعشش واعيش الرضا
صابني صياد برمح القضااا
ورشق ف قلبي سهم العدا
===
الدم سال واية ذنبي
مكسور جناحي وذاد همي
وعمري راح ونزف دمي
وانا العصفور مجروح ف حلمي
====
حلمي كان ويا الجراح
شفت الكون كله براح
قلت اتعلم واكون سواح
وافرد جناحي ف وش الريح
====
قلبي رفرف كلة حنان
قلت اتعلم الطيران
عشان ابعد عن الاحزان
والسهم رشق ياخلان
====
يا طير قلبك صغير
والدنيا حواليك بتتغير
وريشك جميل المنظر
لكن عمرك جة قصير
===
شفت هناك صياد متسمر
في توب كلة متعطر
وف ايدة سهم بيغدر
قتل عصفور صغير
===
يادنيا كلك حروب
مين غالب ومين مغلوب
ناس بتحدف بالطوب
وناس بتدبح قلوب
===
قلت اهجر اوطاني
واشوف مكان تاني
سبحت ف السما لبعيد
اتاري مكتوبلي زماني
====
انا شهيد الحرية
دمي بينزف كا المية
بزرع بستان من دمي
عشان جبان غدر بية
===
وح اكتب قصة كفاحي
بريشة من دمي وجناحي
وانا العصفور الصغير
حلمي اطير لاافراحي
==
طيور كتير مجروحة
صابها سهم القدر
روح اساال العصفورة
حكم عليها البشر تكون مقتولة
كلماتي
اشجان احمد عبد الرحمن

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30