الحظ المقندل .......بقلم / سعيد العزازى

من طرف Zahrah enan الخميس مارس 10, 2016 2:53 am

ليه بقالك زمان ياحظ
ما جيت علي عتابي
هــــو النظــــر كــــدب
وماشايف طريق بابي
ماكانش بردو العشم
ما تيجي في طريقي
سيبني شارب المر
ونشفان انا ريقي
لما خـلاص راح اجن
والعقل أتبرجل
وانت تملي ياحظ
معايا متقندل!!
طب وحيات أبوك
ياشيخ لا تيجي هنا
يمي
بلاش يا خي تبيخ
دانا زاد كتير همي
منفي ف أرض بور
مفهاش غير عقول
وزرعة من حنضل
يعني خلاصة القول
تملي متشندل!!
طب ساق عليك النبي
لتحنن علي قلبك
تعبت م التلطيش
ياشيخ ومن ضربك
لو رافض انت تجيني
عرفني طريق دربك
دورت ياما عليك
عملت حضرة وظار
وفتحت لك مندل
ولا شئ دل عليك
لما بقت حنضل!!
اااااااااه يادمع العين
الجفن بقى دايب
نازل علي الخدين
والشعر بقى شايب
أخدت وحدي الصبر
وعبيته ف زكايب
والعمر راح ياحظ
وانا ف البلاد سارح
وم الحمول ياما شلت
لما بقي طافح
وأديك ياتوب الصبر
بقيت اهو محنجل
لا جاي خلاص طولي
ولابقيت اهو مقاسي
وانا وحدي اهو بقاسي
ف الدنيا و مبهدل!!

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30