((( كلام فى كلام ))) للقدير رمضان العلالقه

من طرف **Medhat Mokhtar** الجمعة فبراير 12, 2016 2:18 pm

كلام في كلام
********
كلام في كلام
و كله كلام تأليف
أشوف الزيف
يتمرجح
على الأحلام
أتخندق ف ليل مصدوم
و أفوق م النوم
على همسة و فيها اللوم
أنادي ع الأيام
تروح في زمان
بالغدر كان معروف
يروح الشوف
و أقوم زعلان
أقول أزاي
وضعك ما يتغيرش
أفكر فيك ما فهمش
و أكتم على الأسرار
أدفنها في أرض الخوف
أرمي بايدي الفرش
و أفوق مفزوع
من حلم كأنه قمار
أحس بنار
بين الحشا و أحتار
ارسم على الفركشة
كلام مفهوم
تاريك بتدوم على حالك
ما فيش تغيير
أخبي الأسى في الليل
و ضحكة قمر مخسوف
احضن في هم تقيل
و كل م أشيل
الوضع يبقى خطير
اكتب على جناح الطير
سلم على الأحباب
ترد الباب من غير تفكير
يعود الطير
مكفي ما يتكلمش
و الضحكة ما يعرفهاش
تروح و بتمش
ما تسأل عن اللي غاب
من قسوة في زمن كداب
و ليها في القلوب تأثير
تقول معذور
و تسأل عن الأسباب
نعوم في بحور
و نغرق في موج النار
يموت كلام
يتألم على الأحلام
يسوء الحال
يغني في جوف القول
يقول موال
ع الحلم اللي مات مقتول
^^^^^^^^^^^^^^^^
بقلم / رمضان العلالقة

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30