((( احزان ))) للقدير جوده فتحى

من طرف **Medhat Mokhtar** الخميس يناير 21, 2016 12:18 pm

من أحدث القصائد .. قصيدة "أحزان" للشاعر/جوده فتحي
...............

أنا اللي الكل ناداني ..
أنا المارد بأشعاري ..
أنا البركان ..
أنا اللي الليل عرف إسمي ..
أنا اللي رسمتك علي جسمي ..
أنا الإنسان ..
أنا واخدك ف أحضاني ..
أنا تايه ف عنواني ..
أنا الحيران ..
أنا يوسف ف حضن الجب ..
أنا عيسي صليب الحب ..
أنا الفنان ..
أنا اللي الحلم كان بلقيس ..
أنا المنسي وغيري مفيش ..
أنا التوبة اللي ف القرآن ..
أنا سليمان علي عرشك ..
أنا المفتون ..
أنا جرحك ..
أنا صوتك ف كل مكان ..
أنا المجنون ..
أنا الصوت اللي بندهلك ..
تجيني وتمشي علي مهلك ..
أنا الميدان ..
أنا الواقف وبتعلم ..
ومن جروحي بتألم ..
أنا الصامت ولا أتكلم ..
أنا العنوان ..
علميني أزاي أكون ..
علميني سر الحياة ..
علميني بلاش أموت ..
لبسيني طوق النجاة ..
علميني إن السكوت ..
لازم نعرف منتهاه ..
علميني أكون جرئ ..
علميني أكون عنتر ..
علميني إن البرئ ..
أكيد مظلوم مش أكتر ..
أنا الميت وأنا بحلم ..
أنا جفونك أنا المندل ..
أنا السهران ..
أنا حكاية وطن عايش ..
أنا اللي كنت ولد طايش ..
ودلوقتي بقيت أعزل ..
وكشكولي إتملي أحزان ..

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30