،، بطّل عناد ..

23:24:11

بطّل عناد
ــــــــــــــــ
إفتح ذراع الحب
واحضن قوي وبقلب ،
بَدّل بأجمل قرب
طيات البعاد ..

إنزع فتيل الحرب
وادخل مابين السرب
غرد معاه في الدرب ،
وامحِ الفساد ..

إصرخ وقول يارب
زلزل جبال الصعب
إدعي بأمانه وحب
بطّل عناد ..

إرفع إدين الغدر من فوق الزناد
إوعاك تفكر إن عندك ده جهاد
أصل الجهاد مش راح يكون أبدا
في ترويع العباد
وبرضه مش ممكن يكون
في تدمير البلاد ..

يعني أيه تصرخ تقول " الله أكبر "
وانت بتدمر في مقادير العباد !
لو كنت فاكر إن ده مشروع شهيد
تبقى انت واهم
أصل الشهيد عمره ما حاد
أصل الشهيد عارف كويس
يعني أيه كلمة وطن
عارف كويس يعني أيه دم الولاد .

الثورة شعلة نور تزيح كل الظلام
عمر نار الثورة ما تخلّف رماد
نفسي تراجع مفرداتك
قبل ما يفوت الأوان
نفسي تعرف إزاي وإمتى
وفين ،، ولمين الجهاد ...
ــــــــــــــــــ
علي فرج