((( أبعد عن أحزان الدنيا ))) للقدير خليل سعد

من طرف **Medhat Mokhtar** الجمعة أغسطس 07, 2015 3:32 pm

ابعد عن أحزان الدنيا
وافرح لو أفراحك ثانيه
وازرع ضحكه ف نور الشمس
تطرح فرح يزين أمانيك
----------------------
طير بجناحك فوق الكون
طير على حلمك فين مايكون
ميهمكش كلام الناس
ولا تهتم بأي ظنون
خلي الاحلام تحلم بيك
----------------------
انسى الماضي بكل اساه
وارحم قلبك من ذكراه
وان حسيت الحمل تقيل
ارفع ايدك فوق لله
----------------------
دايما ضيق الدنيا خيال
والاحزان بتسيئ الحال
افرح اكتر اكتر اكتر
غني الفرح بميت موال
----------------------
اوعى اليأس يغمي عنيك
ولا الحزن يأثر فيك
غطي بحلمك نور الشمس
واكتب فوق ممنوع اللمس
تلقى الدنيا ف كف ايديك
---------------------
غني وغني وغني وقول
حزنك فيها مش هيطول
اضحك اكتر اكتر اكتر
تلقى الفرح معاك علطول
----------------------
اوعى تقول طب ليه وازاي
ربك عالم مش نساي
مهما يبان الضيق ف عنيك
فرج المولى ف بكره الجاي
----------------------
اتمرجح على شجر التوت
واكسر خوفك بالنبوت
وانسى الهم وعيش واتمتع
واصبر ع الاحزان هتفوت
----------------------
كلمات // خليل سعد
أعجبني
تعليق

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30