((( أنا جدتى ))) للقدير عبدالله الهوارى

من طرف **Medhat Mokhtar** الجمعة مايو 29, 2015 12:10 pm

الشاعر عبد الله الهوارى
17 ساعة

انا جدتى
ما كانش فى حد زيها
حاجة كده فى منتهى الجمال
جدتى كات م الحور
كات يضربوا بجمالها الامثال
وشها ابيض زى قلبها الابيض
قول طبق بنور
بدر فى ليل الكمال
اسم على مسمى
ما سماش زى اسمها حد
كان اسمها زهر الورد
وكات ورد فعلا وبجد
كات تضحك ولما ف الضحك تفتح
تصبح خدودها جمرة نار
ورد سطه الربيع فتح
كنت لما احب وياها اضحك
اقولها ايه الجمال دا كله ياجدة
تقولى يا واد دانا ياواد بت عز
دا انا ابويا يا واد عمدة
وواخدة الجمال ورثة
كات طيبة وحنينة
كات بايدها الحلوة تاكلنى وتسقينى
ف الصبح كات تفطرنى
وبعد المدرسة اما اكون يدوب راجع
بعد ما اخلص واروح جاى
كات قوام تروح تغدينى
وتفتلحلى قزازة الساقع
وكمان تعملى الشاى
يا سلام
انا فاكر
مش ناسى
كات تقولى يا واد ذاكر
انت هتبقى عال تمام
ليك شان عالى ومقام
وتحكيلى اجمل حكايات
وتنصحنى وتقولى حاجات نافعة
وادينى اهو بقيت شاعر
ومسكت قلمى وكراسى
باحاول اوصفها بابيات
بس حاسس ان قصيدتى
من ناحية الوصف ناقصة
عشان كده انا هقرا
على روح جدتى الفاتحة

الشاعر عبد الله الهوارى قنا قوص جرا جوس

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30