## فاكر ياصاحبى ## رائعة المبدع محمد الحارس

****فاكر يا صاحبى****
==============
نعيده يا صاحبى
م الاول
بس العمر لو
كان يطول
نعيد ايام زمان
وشقاوتنا ويا
الجيران
نعيد الفيلم
من تانى
ونعيد زمانك
و زمانى
نفتكر وقفتنا
ف الحارة
وعمك حسن
وسمارة
والبنت الشقرة
ام ضفيرة
اللى كانت بتضحك
وكنا ساعتها
ف حيرة
هى لمين بتضحك
بنت الايه
وما قدرناش نتكلم
ساعتها
معرفش ليه
والا الكورة الشراب
اللى كسرت شباك
خالتك ام ايهاب
وابوك ضربك
يومها وزود ف العقاب
فاكر يا صاحبى
الايام الحلوة
لما كنا نسمع
ونتسلى بغنوة
والله كانت ايامنا
حلوة
وياريت يا صاحبى
نعيده من تانى
ويرجع يا غالى
زمانك وزمانى
************
محمد الحارس