( وصية أم ) للقدير عوني هشام

من طرف **Medhat Mokhtar** الإثنين ديسمبر 11, 2017 5:58 pm

وصية الام
========= عونى هشام
كنت فاكر نفسى راجل
وامى قالت لسه عيل
الرجوله دى مراحل
امشى فيها اياك تِمَيٍل

نفسى تبقى زى ابوك
حب ناسك يخدموك
الرجوله فى المواقف
لو بصوت يغلبوك

ابويا مات من زمان
وامى كانت مدرسه
فى العلم مصحوب بالايمان
وفى البيت عليا مُدرسه

كانت قويه بصولحان
وكلامها كله فلسفه
الكلمه موزونه بميزان
رسمت علوم الهندسه

كبرت وطلع لى شنب
والميه طلعت للركب
الرجوله مش كلام
ولا حتى درس فى الكتب

مات ابويا وراحت امى
فضلت انا لوحدى بهمى
شفت فى الدنيا مأسى
لا قلت خال او حتى عمى

وصلت فى العلام مداه
وبقيت واحد من القضاه
القانون هو القانون
له روح بتحكمنى معاه

امى جاتنى فى المنام
قالت لى كام كلمه وسلام
ذكرتنى ان الرجوله
هى دى اصل العلام

رحت ازورها ف قبرها
اطلب رضاها وودها
قريت ايات من الكتاب
شفتها صوره بخيالى طبعت بوسه بخدها

وف يوم وانا فى المحكمه
شفت عجوز كات ف القفص
التهمه محكومه عليها
وكانها روايه وقصص

طلبتها فى جلسه خاصه
احكى ياستى ما حصل
حكايتها اغرب م الخيال
وضميرى بالحكم وصل

على الورق حكم اكيد
والحقيقه مره اسيه
كتبت ايصال تحمى ابنها
وزوجة ابنها كات ست عاصيه

هيا اللى شاكيه باس ابوها
وهيطردوها م البيت كمان
عملوا المكيده وسبكوها
وعايزينها تدخل فى الليمان

شغلت عقلى والقانون
والضمير كان الحكم
ماهى للرجوله ياناس فنون
قبل القانون كانت الحكم

اصل شفت فيها امى
لما قالت انا لسه عيل
النهارد هابقى راجل
والعدل ليه ياناس يميٍل

بالتنازل اخدت براءه
والابن قر بغلطته
رجعوا احبه من جديد
ولم بجناحه اسرته

القانون فيه الحياه
حتى لو اسى شويه
يحمى الفقير م الظغاه
والحق نور شايفه بعنيه

ودا درس كان ليا وليك
اقراه وكل البركه فيك
اياك تخالف دين ودنيا
تعلا وعهد الله حاميك
تعلا وعهد الله حاميك
====================
#عونى_هشام

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30