## قال انت غاليه ## بقلم الشاعره / هند

قالى انتى غالية
وراح وباع فى ثانية
ونسى كل اللى كان
قالى عمرى ليكى
وهكون بقلبى ليكى
وسرق من عينى الامان
قالى لو بعدتى عنى
هتكتبى بايديك نهايتى
اتارى النهاية
كاتبها من زمان
وانا عايشة فى حكاية
اولها كدب وخيانة
واخرها ندم وحيرة
على ايام كنت فاكرها جميلة
اتارى المحبة
بقيت حكاية على الشفايف
صدقنى قلبى مسامح
وعمره ما هيكون ليك جارح
لان اللى مات
صعب تنبض فى قلبه حياة
صعب اصدق تانى غدرك
صعب اكون بطلة لحكايتك
لان حكاياتك كل غدر خيانة
وانا يا عزيزى
بقدم ليك اعتذار
على دقة من قلب
كان بحروف اسمك يغنى
وعلى لمعة عيون
كانت من الفرحة تكون كبدر البدور
لما تشوفك معدى
وعلى ليالى سهرتها
ونجوم اشتكيت لها
من هجر حبيب
مكنش يوم لها
صدقنى انا الكسبانة
قلبى اتكتب ليه الحياة
وهقولك كلمتين
عمرى اللى يدق قلبه
بصدق وحنين
هيجى على قلبه يوم
ويوقع فى عاشق خاين لئيم

بقلبى / هند