رسالة إلى ست الحبايب ...بقلم / بهاء الدين بدوى

من طرف Zahrah enan الأربعاء مارس 23, 2016 9:22 pm

الأولى جُوا الحشا بين الضلوع شيلتيني
والتانية في طفولتي وفي صبايا رعيتيني
والتالتة انا محتاج لك ياأما ليه سيبتيني
...
الأولى جوا الحشا بين الضلوع شيلتيني .. وكنت جنين
والتانية في طفولتي وفي صبايا رعيتيني .. بكل حنين
والتالتة انا محتاج لك ياأما ليه سيبتيني .. وأقول يامين
...
...الأولى إنتي .. والتانية إنتي ..
والتالتة جنة ربنا مخلوقة ليكي إنتي .
...
ياأخت هارون .. ياأم موسى .. ياالسيدة زينب
يابنت سيدنا النبي ياأم الحسن والحسين
يامدد الأمومة الساري في كل زمان ومكان .
يارحمة الرحمن .. يانفحة الحنّان
...
منين أجيب الكلام اللي يوفيكي
وفين ألاقي الحنان اللي ملا عينيكي
حسيت مرارة اليتم والغربة بعديكي
...
امي يانبع حنان روحي في شوق ليكي
دي جنة الرحمن من تحت قدميكي
حضرة نبينا الحبيب وصانا برضاكي
وتعم بركة وخير بسر دعواكي
...
امي يابحر الحب ضميني بايديكي
اشتقت ليكي كتير وفين الاقيكي
اشكي لمن الانين ولمين ابوح بالنوح
وانا اللي وقت النوى كنت اشتكي ليكي
...
ومنين اجيب لي حبيب ومين يضاهيكي
بكيت ياامي كتير وبدمعي بارثيكي
لو الدموع حتفيدبحور ماتكفيكي
ومهما طال الزمان ابداً ماحنساكي
...
نور ابتسامتك ياغالية نور محياكي
كانت ابتسامة الرضا شمعة خطاويكي
ياصابرة ع الأيام .. الله يجازيكي
...
ياما صبرتي سنين .. ولا حد حاسس بيكي
مديني للمساكين بالخير أياديكي
وجمعتي شمل بيوت .. الله يحييكي
....
خليتي كل الناس .. حتى اللي بلا احساس ..
والله حبوكي ..
الله ينور ثراكي .. والجنة مثواكي ..
...
ياللي زرعتي في روحي .. الروح والريحان
ياللي سكنتي في قلبي .. وفي عقلي والوجدان
أهون عليكي ياغالية .. تفوتيني للأحزان
والله بعدك ياأمّا إضيقت الجدران
...
مين ليّا يواسيني في غربة الأزمان
وعزايا إنك ياطاهرة .. في جنة الرضوان

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31