((( بنات النيل ))) للقديرة ساميه سليمان

من طرف **Medhat Mokhtar** الخميس يناير 21, 2016 12:15 pm

بنات النيل
---------
سحر وجمال يابنات النيل
رقة ودلال والطبع جميل
وف العمل تدي بإخلاص
وتربي جيل ورا جيل ورا جيل

يابنت بلدي يامصرية
يارافعة راية الحرية
سواء هدي ولاّ صفية
ولاّ مفيدة ونبوية

ياما كنتي ملكة وأميرة
وفي الزعامة لِكي سيرة
دلوقتِ أصبحت وزيرة
وفي البلاد لينا سفيرة

كيلوباترة كانت حاكمانا
وشجرة الدر قوية
حكمت وعاشت ويانا
ولا يوم ح تصبح منسية

وفي الرياضة لكي بطولات
وفي المحاكم مستشارات
وفي التجارة تجيب ألوفات
فوق السحاب نلقي المضيفات

ولسه فاكرين حتشبسوت
لها في التجارة زمان ملكوت
وقد إيه ستات ف بيوت
في الإقتصاد تحسب مظبوط

ف الغيط دي أحسن فلاحة
ف الطب أشطر جراحة
فنانة هايلة بصراحة
ورانيا أسرع سباحة

بالعلم صبحت دكتورة
وليها كلمة في الشوري
وف الصحافة شطورة
وروزا هانم مشهورة

زوجة أصيلة ووفية
وساعات نشوفها شرطية
وفي القناة الفضائية
مذيعة ومديرة ذكية

إصلاح ، ثقافة وتنمية
والقلب مليان حنية
وبالإرادة انت قوية
تنافسي أي أوروبية

حيوا معايا المصرية

سامية سليمان
أم الشعراء

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31