((( رساله من شهيد ))) للقدير مصطفى العيادى

من طرف **Medhat Mokhtar** الأربعاء نوفمبر 04, 2015 1:02 pm

....... رسالة من شهيد .......
أحب أقولك إبنك بطل والبطل
عمره ما يهرب م الميدان ..
كفايا بكا .. دي دمعة منك ..
تشيل للخلق .. من سنين أحزان
ده إبنك .. في عيشة هنية ..
إفرحيله زغرتي .. إملي المكان
إوعك تخافي عليا .. أو علينا ..
ﻷ دا احنا .. عايشين في اﻷمان
إوعي تفتكري .. إن دمي هدر
ورايا اسود جعانة .. من زمان
يامه .. إوعي تقولي لبويا ..
إني كنت منه فيوم .. زعﻻن
قولي لبويا .. يروح لعمي ..
ليه عنده .. قرشين من زمان
كنتي عمﻻلنا هريسة .. كلناها
هنا .. وكان معانا ..البلكامين
إيدين غادرة طالتنا .. شفناها
متلتمين .. عاملين .. مسلمين
يا نهار أبيض .. يا ليلة سودة
عملوها فينا .. الغدارين ..
فجروا العربية فينا .. غدر ..
واحنا مدين اﻷمان .. مريحين !
كان معايا مينا والواد حمكشة
وكل واحد .. بيفكر في مين
يامه .. خللي بالك من صفية
وابني اللي مستنيه من سنين
( مصطفى العيادي )

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31