((( متسبش مصر ))) للشاعر القدير سعيد كمال

من طرف **Medhat Mokhtar** الجمعة مايو 29, 2015 9:03 pm

متسبش مصر / /اكسر جدار خوفك .اقووم
وأعلن العصيان
واصرخ باعلي صوت جدع
وبقوة الأيمان
وأياك تسيب وطنك ولو
هتموت جعان
مصر مينفعش تسيبها
لو حتي ببتهان
بكره ربك يعدلها وترجع
حره زي زمان
مصر جنه لشبابها والعجيز
ملوش مكان
ياابن مصر اصبر علي اللي
باع و اللي خان
دا عمرهم يابني قصير وأسأل
علي اللي قبله كان
يقولولك طغي وقال انا اله مصر
جماد وأنسان
نهايته كانت فيها ومقدرش يطلع
من الغرقان
بكره تفرح ياعريس مصر رجعه
ليك وراجع الأمان
وتغير منها الاعادي ويحقدو عليك
يامصري وبجنان
يقولولك انت مصري قولهم ايوه انا
المصري الفنان
وهفضل اعلمكم التاريخ وهترجع
بلادي زينة الاوطان
مين هيداوي جرحك بره ياجدع
ويمدلك ايد الحنان
يااخي متتسرعش اصبر دا ربك
حكم عدل ورحمان
ربك حكم عدل ورحمان

سعيد كمال

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31