( رسالة إلى أمى ) للمبدع الشاعر السيد أنور

من طرف **Medhat Mokhtar** السبت ديسمبر 02, 2017 6:38 pm

{رسالة إلى أمى}
وبقينا تايهين ع السطور
نحلم بشمس أملها نور
نحصد معانى من السفر
نبكى نعاتب.........القدر
حتى الموانى حسة بخطر
والموج غريق وسط البحور

يامراكبى فاضل قد أية
على بال مانوصل شطانا
حلمى إللى يامة أشتقت لية
خايف ليصبح مش حقنا
أصل الوحوش لبسين وشوش
وتملى..............شاربين دمنا

بنعى البراءة فى الحروف كلها
أصل الجراءةوالظروف مش وقتها
هفضل أصلى ...وأقول ياضلى
أنا أية فضلى.......................
غير الأمل على أرضها
أمى الحبيبة أوعدينى
بالصبر داوى دمعتك
والطمى خلية كحلتك
ولو يوم ياأمى عطشانة
للنيل تروحي .. .....أمانة
مدى كفوفك.......وأشربى
وساعتها بس هتعرفى
إنك كسبتى ....مش خسارنة

أنا فى المنام كنت الأمام
وصليت ياأمى ركعتين
شوفت الحمام ع القبة نازل هنا
لونة ياأمى ........بلون الحقول
شايل رسالة من الرسول (ص)
بتقول تعالى ......لفوق معانا
أصلك أكيد مولود جديد
ما أنت الشهيد وعريس سمانا

{رسالة إلى أمى }
بقلم الشاعر
الشاعر السيد أنور إبراهيم

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31