موال ربعاوي مصري

موال ربعاوي مصري في تصنيفه من حيث الشكل . موال أبيض في تصنيفه من حيث المضمون .
-------------------------------------------------------------------------
العــــــــدل مش بس كلمه نقولها ونعيدها
العــــــــدل ده ميزان مش بغبغان يرددها
ولـــــو ميزان العدل معووج الظلم هيسود
وربك القـــــــادر فى علاه ( بكن ) يبدلها
--------------------------------------
العـــــــدل سيف على رقاب العباد ماضى
لما يكــــــــون الميزان كيف الكلام قاضى
والظلــــــم لـــــــو ساد بحر الاذى مشهود
وساعتها مهما تقـــــــول يبقى كلام فاضى
--------------------------------------
اللـــــــى بيظلم مخـــــدوع فى طول العمر
وايــــــه يفيده لــــــو جــــاله الاجل بالامر
لاهينفعــــه الجـــــاه ولا كتـــر مــــــــــال
وصـــــــابته دعـــــــوة المظلوم ولله الامر
--------------------------------------
العــــــــدل لله ويــــــــوم القصاص معلوم
والظــــــلم ليه ناس والعقــــــــــاب مفهوم
اوعــــــــك من الظلـــم دى اخرته ظلمات
والعــــــــدل سيف ربك على العباد محتوم
--------------------------------------
ياللــــــى ظلمت الناس الـــدعوه هتصيبك
تنـــــام عنيـــك والمظلـــــوم مش هيسيبك
يدعـــــــــى عليــــــك وربــك منتبه لدعاه
اوعــــــــك تفكرتخــــلد وارضى بنصيبك
--------------------------------------
ياقاضـــــى الدنيــــــا شوف هتقضى لمين
ومين معــــاه الحـــــق ومين من الظالمين
ده كلمـــــه منـــــك يعنــــى بميزان العدل
وغير كـــده ظلم والظلم يرضـــــى ميـــن
--------------------------------------
الشاعر اسامه محمد على
جميـــع الحقوق محفوظه

مجلـة خواطر مثاليـة في واحـة مصريــة
مجله ثقافيه تعتني بالشعر والشعراء وترتقى بالفكر وأهل الفكر من الادباء والشعراء والمثقفين
[ندعوك للتسجيل في المنتدى أو التعريف بنفسك لمعاينة هذا الرابط]

الإثنين	الثلاثاء	الأربعاء	الخميس	الجمعة	السبت	الأحد
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30