منتديات خواطر مثاليه في واحه مصريه
بحـث
 
 

نتائج البحث
 


Rechercher بحث متقدم

سحابة الكلمات الدلالية

سبتمبر 2018
الإثنينالثلاثاءالأربعاءالخميسالجمعةالسبتالأحد
     12
3456789
10111213141516
17181920212223
24252627282930

اليومية اليومية

التبادل الاعلاني

انشاء منتدى مجاني




(( حكاية على ورق البردي )) للقدير على فارس

اذهب الى الأسفل

(( حكاية على ورق البردي )) للقدير على فارس

مُساهمة من طرف Medhat Mokhtar في الجمعة مايو 12, 2017 12:36 pm

.................... ( حكاية علي ورق البردي ) ................................


الحكاية لسه ماتحكتش
الحكاية أرض بور
لسه ماتروتش
ولا الف نيل يقدر برويها
حكاية جارة وجار
وقلوب مليانة نار
لسه ماطفتش
ولا الف بحر يقدر يطفيها
حكاية قلب وحدود
وحبل من الحرير الغالي
من القلب للقلب ممدود
ولا الف فارس يقدر يخطيها
حكاية بنت سمرا
و واد شاعر غلبان
حكاية مليون ليلة
ولا الف كتاب يقدر يرويها
منين نبدأ الحكاية ؟
والقلب ناسي ومش فاكر
غير الغايب الحاضر
البنت السمرا
أم عيون ليل
كامل القمر فيها
منين نبدأ الحكاية ؟
والموج في العيون عالي
و تمن الحكي غالي
منين أدفع واحكيها ؟
لا عمر هيكفي
ولا دمع هيكفي
ولا صبر هيكفي
ولا شوق هيكفي
طب منين اجيب
تمن للحكاية واكفيها ؟
لو بدأنا الحكاية
يا دوب اللي معايا
مش هيكفي علشان ننهيها
يا دوب أحكيلكم كلمتين
في نظرتين
وهنلاقي العمر خلص
و الدمع خلص
و الصبر خلص
و الشوق خلص
وساعتها القصيدة
هيه الي ها تنهيها
****************
فارس بشوقه مات
وسابني أنا القصيدة
أحكي ع اللي فات
أنا القصيدة
سند الولد ف عشقه
وفي قلبي
كل أسرار البنات
الحكاية بدأت غريبة
وانتهت بغربة
وبينهم كلام مليان
دمع وصبر وسلامات
وكتم لنبض القلب
وقصايد مجهولة
هيه ف الاصل جوابات
ولقا وفراق وفراق ولقا
زي عشق الصحرا للنبات
فارس بشوقه مات
و البنت السمرا الله اعلم
و الحكاية مسيرها تكمل
بإذن رب السماوات
avatar
Medhat Mokhtar
Admin

عدد المساهمات : 977
تاريخ التسجيل : 03/06/2014

معاينة صفحة البيانات الشخصي للعضو http://aszx12.alafdal.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى